المرجله والفخر فيك ومنك ياابو خالد

محمد ما كفاك .. أنّك ملكـت المرجلـه والفخـر
رجعت وخذت كـل الجـود والمقـدار والطيبـه




تجلّى فوق متنك.. نجم.. فوقه سيف.. فوقه صقر
وهن والله عليك صْغَار.. وانت تزيدهـن هيبـه




أنا وان قلت باصبر.. لن ما لي دون مدحك صبر
تراودني وصوفك.. و القصيد الوصف.. يغري به




ذكرتك.. والمعاني دون وصفك بيـن كـرّ وفـرّ
تزاخـر مثـل نهـرٍ فجّـت كْفوفـك مشاعيبـه




نهر.. ما صبّك الله في مكـان.. إلاّ تناقـض در
ولا الظامي لفاك.. إلاّ رجع والمزن توشـي بـه




ولا حالفك في درب العلا والعزّ غيـر.. النصـر
وكيف النصر ما يتبعك..؟ وانت أكبـر معازيبـه




تركت الفضل يقفر خطوتك .. قبل الثنا والشكـر
وذكرٍ لك ترك غيص الكلام يسـجّ عـن سيبـه




عذاريبـك تمنّاهـا الـمـلا .. لـلّـه درّك دَرّ
ومن لـك فـي مـذبٍ تغـري الدنيـا عذاريبـه




سخي ضاري مخضرم فذ قرم أبلج نـداوي حـرَّ
حَر يا قرب بعـدك للسحـاب .. وبعـد تقريبـه




جَرَت منك الهمم مجرى السيول اللي تمجّ الصخر
عرمرمها عزومك.. والثـرى جـودك مطاليبـه




وجيشٍ تجري أركانه تحت زنـدك بخيـر وشَـر
مدجّج بالسـلاح اللـى يهيـب الضـدّ ويريبـه